Daqué de balse

By | 14 January, 2013

Esti ye’l mio propósitu pa ser una supermuyer. Pidí a los Reis Magos superpoderes, p’amás de tomar tou lo que tengo ente manos, bastante ye, poder faer una vida normal.

Por casu, agora toi con una ferramienta, que pudiera ser potente y ta bien espandida na redolada académica. Creo bonalmente que toles conseyeríes faen usu de la mesma.

Tolos centros docentes faen usu d’una plataforma onde almacenar recursus y tener una xerarquía de roles y categoríes, y la gran mayoría de los mesmos básense nesti software de gran utilidá. Toi refiriéndome a Moodle.

Moodle ye un Sistema de Xestión de Cursos de Códigu Abiertu (Open Source Course Management System, CMS), conocíu tamién como Sistema de Xestión del Aprendizaxe (Learning Management System, LMS) o como Redolada d’Aprendizaxe Virtual (Virtual Learning Environment, VLE). Ye una aplicación web gratuita que les educadores pueden utilizar pa crear sitios d’aprendizaxe efectivu en llínea.

Hasta agora tuvi desenvolviendo una serie de manuales, que escientemente supunxeron una gran ayuda pa los mios alumnos. Yá toqué dellos palos como los archiconocidos CMS Joomla!, WordPress, Drupal, tamién phpBB, mediaWiki, Blogger, SquirrelMail, pero agora entré de llenu con esta ferramienta que pudiera ser un gran filón pa toa comunidá educativa virtual. Eso sí, creo que munches vegaes desconoz el so verdadera potencia, y tiéndense a esbardiar capacidaes.

Amás nun dexa de ser software desenvueltu de PHP, que puede dir allugáu perfectamente nun servidor d’aplicaciones Apache contra MySQL, faciendo les delicies comunes de toes estes aplicaciones.

Cabo reseñar que estes ferramientes son de gran utilidá nel ámbitu educacional, yá que dexen a les profesores la xestión de cursos virtuales pa les sos alumnos, facilitando a les profesores l’alministración y desenvolvimientu de les cursos.

Una de les ventayes ye que sofiten la interacción grupal, coles mesmes que dexa la conversación privada ente los estudiantes. Esti mediu ye ideal pa llevar a cabo evaluaciones del cursu; nesti casu’l docente prepara una serie d’entrugues y plantegar mientres la realización del alcuentru colos sos estudiantes. Tolos participantes respuenden y, coles mesmes, pueden faer observaciones sobre los comentarios espresaos polos demás compañerus. Tolos participantes pueden contribuyir simultáneamente mientres el sistema identificar automáticamente y al rematar apaez una trescripción del alcuentru. Sicasí, ye necesariu resaltar qu’éstes ferramientes namás pueden ser utilizaes col usu del internet.

La mio vida ye un desatín inconsciente de pura informática escafeinada y el señor Sabina…

Avisu a navegantes: esta entrada contien un refileru de incontinencias verbales ensin controlar. Si usté quier ufiertar feedback esternu, absténgase de faelo hasta que na siguiente entrada apúrranse conteníos realmente relevantes. Eni dixit.

Facebooktwittergoogle_plusredditpinterestlinkedinmailby feather

Leave a Reply

Your email address will not be published.